Кумитаи рушди сайёҳии назди Ҳукумати Ҷумҳурии Тоҷикистон

Хабарҳои Охирин

Обу ҳаво

Dushanbe
3:39 pm, April 17, 2024
24°C
Wind: 4 mph
Pressure: 1014 mb

Ҷаласаи нуҳуми Шӯрои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон.

15 марти соли 2024, шаҳри Душанбе

Имрӯз таҳти раёсати муовини якуми Сарвазири Ҷумҳурии Тоҷикистон муҳтарам Ҳоким Холиқзода ҷаласаи нуҳуми Шӯрои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон баргузор гардид.

Дар кори Шӯро роҳбарияти вазорату идораҳо, намояндагони Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ, инчунин кормандони масъули Кумитаи рушди сайёҳӣ ва намояндагони ассотсиатсияву ширкатҳои сайёҳӣ иштирок намуданд.

Нахуст муовини якуми Сарвазири Ҷумҳурии Тоҷикистон муҳтарам Ҳоким Холиқзода суханронӣ намуда, иброз дошт, ки аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон тайи солҳои охир ба соҳаи сайёҳӣ таваҷҷӯҳи хоса зоҳир гардида, як қатор тадбирҳо ва ташаббусҳои созанда нисбати рушди ин соҳаи мӯҳими иқтисоди миллӣ амалӣ карда шуда истодаанд.

Пешвои муаззами миллат дар Паёмашон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилию хориҷии ҷумҳурӣ” изҳор доштанд, ки соли 2023 шумораи сайёҳон ба як миллиону дусад ҳазор нафар расидааст, ки ин нишондиҳанда нисбат ба соли гузашта 20 фоиз зиёд мебошад.

Мавсуф иброз дошт, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон таъкид намуданд, ки новобаста аз дастовардҳои соҳаи сайёҳии мамлакат тайи солҳои охир имкониятҳои барои рушди соҳа истифоданашуда ҳанӯз хеле зиёданд.

Дар ин замина, тибқи амри Президенти Ҷумҳурии Тоҷикистон 31 январи соли 2024, №АП-507 бо мақсади самаранок ба роҳ мондани корҳо дар самти рушди сайёҳӣ, ҳунарҳои мардумӣ ва ташкилу назорати корҳои ободониву кабудизоркунӣ дар вилоятҳо ва шаҳру ноҳияҳо гурӯҳи кории ҷумҳуриявӣ таъсис дода шавад, ки тибқи бандҳои дахлдори амри мазкур гурӯҳҳои кории доимоамалкунандаи вилоятҳо ва шаҳру ноҳияҳо аз натиҷаи корҳои анҷомдода ҳар семоҳа ба Кумитаи рушди сайёҳӣ оид ба иҷрои корҳои анҷомдодашуда маълумот манзур намоянд.

Албата ин иқдом барои самарабахш ва пурзур гардидани фаъолияти Шӯрои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон ҳамаҷониба мусоидат менамояд.

Қайд карда шуд, ки сайёҳӣ яке аз соҳаҳои ояндадор ва босуръат рушдёбандаи хоҷагии ҷаҳон ба шумор рафта, дар рушди бахшҳои дигари иқтисодиёт нақши муассир мебошад.

Рушди соҳаи сайёҳӣ боиси тавлид гардидани ҷойҳои кории нав, вориди асъори хориҷӣ ва тақвияти нишондиҳандаҳои иҷтимоӣ-иқтисодии кишвар мегардад. Инчунин, соҳаи саёҳӣ ба соҳаҳои хизматрасонии нақлиёт, алоқа, савдо, хўроки умумӣ таъсири мусбӣ мерасонад.

Дар ин замина ҳар яки моро зарур аст, ки фаъолияти худро ҷиҳати амалӣ намудани ҳадафҳои стратегии кишвар дар самти рушди сайёҳӣ ҷоннок намуда, дар ин ҷода масъулияти бевосита дошта бошем.

Дар рафти ҷаласа ба масъулони тамоми вазорату идораҳои дахлдор ва мақомоти иҷроияи ҳокимияти давлати супориш дода шуд, ки ҷиҳати беҳтар намудани сатҳу сифати хизматрасонӣ, сохтмони иншооти хизматрасонии сарироҳӣ чораҷӯӣ намоянд.

Иттилоъ дода шуд, ки барои рушди соҳаи сайёҳӣ имрӯз тамоми заминаҳои меъёрӣ-ҳуқуқӣ таъмин буда, Нақшаи чорабиниҳо оид ба амалисозии “Стратегияи рушди сайёҳӣ дар Ҷумҳурии Тоҷикистон барои давраи то соли 2030” барои солҳои 2023 – 2026” бо қарори Ҳукумати Ҷумҳурии Тоҷикистон аз 29 декабри соли 2022, №631 тасдиқ гардида, мавриди татбиқ қарор дорад.

Раиси Кумитаи рушди сайёҳӣ Камолиддин Муминзод оид ба фаъолияти Кумитаи рушди сайёҳӣ дар соли 2023 қайд намуд, ки дар натиҷаи дастгириҳои Ҳукумати мамлакат барои рушди соҳаи сайёҳӣ дар соли 2023 шумораи умумии сайёҳони ба кишвар воридшуда ба 1 201 000 нафар расонида шуд, ки нисбат ба ҳамин давраи соли гузашта 201 ҳазор нафар сайёҳ ё 20,2% зиёд мебошад.

Ҳамзамон қайд карда шуд. ки дар давраи ҳисоботӣ бо мақсади рушди ҳамкорӣ ва ҷалби бештари сайёҳон 4 санади ҳамкорӣ бо кишварҳои хориҷӣ ба имзо расонида шуда, дар маҷмуъ 18 санади ҳамкорӣ бо кишварҳои хориҷӣ ва созмонҳои байналмилалӣ, аз ҷумла Амороти Муттаҳидаи Араб, Шри-Ланка, Урдун, Узбекистон, Қазоқистон, Федератсияи Россия, Швейтсария, Фаронса, Кувайт, Туркманистон, Озарбойҷон, Эрон, Покистон, Белоруссия, Қатар ва Созмони ҳамкории Шанхай, ба имзо расонида шудааст.

Ҷиҳати рушди соҳаи сайёҳӣ ва муаррифии иқтидорҳои соҳаи сайёҳии кишвар махсусан сайёҳии табобатӣ, экологӣ ва кӯҳнавардӣ 55 чорабинӣ дар дохили кишвар ва 37 чорабинии сатҳи байналмилалӣ баргузор карда шуданд.

Дар хотимаи ҷаласаи Шӯро барои бартараф намудани камбудию мушкилоти ҷойдошта, татбиқи босамари ҳадафҳои Ҳукумати мамлакат оид рушди устувори соҳаи сайёҳии кишвар, иҷрои босифати Нақшаи чорабиниҳо оид ба амалисозии “Стратегияи рушди сайёҳӣ дар Ҷумҳурии Тоҷикистон барои давраи то соли 2030” барои солҳои 2023 – 2026” ва омодасозии соҳа ба пазироии сайёҳон, хусусан рушди сайёҳии дохилӣ аз ҷониби муовини якуми Сарвазири Ҷумҳурии Тоҷикистон Ҳоким Холиқзода дастуру супоришҳои мушаххас дода шуд.

Хабарҳои Охирин

Эмомалӣ Раҳмон

Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон

Қурби асъор

GB TJS/GBP13.81
US TJS/USD10.94
EU TJS/EUR11.85
RU TJS/RUB0.12
NBT · TJS · 09 Apr 
National Bank of Tajikistan
Check: 09 Apr 2024 03:40 UTC
Latest change: 08 Apr 2024 19:25 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀

Истинодҳои муфид

Обу ҳаво

Dushanbe
3:39 pm, April 17, 2024
24°C
Wind: 4 mph
Pressure: 1014 mb