22 феврали соли 2024

Имрӯз таҳти роҳбарии муовини Сарвазири Ҷумҳурии Тоҷикистон Дилрабо Мансурӣ ҷаласаи нахустини гуруҳи кории ҷумҳуриявӣ бо мақсади самаранок ба роҳ мондани корҳо дар самти рушди сайёҳӣ, ҳунарҳои мардумӣ ва ташкилу назорати корҳои ободониву кабудизоркунӣ дар вилоятҳо ва шаҳру ноҳияҳо дар Муассисаи давлатии “Китобхонаи миллии Тоҷикистон” баргузор гардид.

Маврид ба зикр аст, ки ҷаласаи мазкур ҷиҳати иҷрои Амри Президенти Ҷумҳурии Тоҷикистон аз 31 январи соли 2024, № АП-507 оид ба таъсиси гурӯҳи кории ҷумҳуриявӣ ва гуруҳои кории доимоамалкунанда аз ҳисоби роҳбарони воҳидҳои сохтории дахлдори мақомоти иҷроияи маҳаллии ҳокимияти давлатӣ, раисони ҷамоатҳои шаҳраку деҳот, вакилони маҷлисҳои вакилони халқ, фаъолони дигари вилоятҳо ва шаҳру ноҳияҳо равона карда шудааст.

Дар кори ҷаласа намояндагони мақомоти иҷроия ҳокимияти давлати ВМКБ, вилоятҳои Суғду Хатлон, шаҳру ноҳияҳои тобеи марказ ва вазорату идораҳо иштирок намуданд.

Бо мақсади амалӣ намудани муқаррароти Амри Президенти Ҷумҳурии Тоҷикистон аз 31 январи соли 2024, № АП-507 дар ҷалассаи мазкур баррасӣ ва ҳалли як қатор масъалаҳои мубрам, аз ҷумла таъсис додани гуруҳҳои вилоятӣ, шаҳрӣ ва ноҳиявӣ, таҳияи нақша чорабиниҳои мушаххас оид тозаву озода нигоҳ доштани маҳалҳо, ташкили фаъолияти маҳаллу растаҳо ва гушаҳои ҳунармандӣ, ташкили шанбегиҳои дастаҷамъонаи мақомотҳои маҳаллӣ ва вазорату идораҳо ва баргузор намудани ҷаласаҳои нахустини гуруҳҳои кории минтақавӣ сурат гирифтанд.