Дар кори семинари минтақави ҳайати намояндагони Ҷумҳурии Тоҷикистон таҳти роҳбарии раиси Кумитаи рушди сайëҳии назди Ҳукумати Ҷумҳурии Тоҷикистон Камолиддин Муминзод иштирок карда истодаанд.

Дар семинар коршиносони сатҳи ҷаҳонӣ аз Созмони Ҷаҳонии Сайёҳӣ ва роҳбарони мақомоти сайёҳӣ аз Иттиҳоди Аврупо ва кишварҳои ҳамҷавор Ӯзбакистон ва Қазоқистон баромад намуда, оид ба имкониятҳо, мушкилоти ҷойдошта ва дурнамои рушди соҳаи сайёҳӣ дар минтақа суханронӣ намуданд.

Таъкид гардид, ки мавқеи ҷуғрофии кишварҳои Осиёи Марказӣ, таърих ва фарҳанги муштараки мардумони кишварҳои ҳамҷавори минтақа имкон медиҳад, ки шумораи ҷаҳонгардонро оянда тавассути масири Роҳи Абрешим ба Осиёи Марказӣ ҷалб намуд. Дар ин замина, ба ташаббусҳои созандаи роҳбарони олии кишварҳои минтақа, хусусан талошҳои пайвастаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон ҷиҳати табдил додани бахши сайёҳӣ ҳамчун соҳаи афзалиятноки иқтисодӣ миллӣ ва рушди инфрасохтори зербиноии сайёҳию хизматрасонӣ дар Тоҷикистон баҳои баланд доданд.

Маврид ба тазаккур аст, ки Семинари сайёҳии Осиёи Марказӣ бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Созмони Ҷаҳонии Сайёҳии Милали Муттаҳид UNWTO дар доираи татбиқи лоиҳаи “Рушди сайёҳӣ”-и Бонки Осиёии Рушд барпо гардида истодааст.