Рӯзи 18 октябри соли 2023 дар ҳошияи чорабиниҳои 25-умин иҷлосияи Маҷмаи Ҷаҳонии Сайёҳии Милали Муттаҳид (UNWTO) дар шаҳри Самарқанд мулоқоти раиси Кумитаи рушди сайёҳӣ бо муовини вазири фарҳанг ва сайёҳии Ҷумҳурии Туркия ҷаноби Гёкхан Язги доир гардид.

Зимни мулоқот ҷонибҳо соҳаи сайёҳиро ҳамчун самти афзалиятноки рушди иқтисоди миллӣ арзёбӣ намуда, масъалаҳо вобаста ба густариш додани ҳамкориҳо байни ду кишвар дар самти сайёҳӣ, табодули таҷриба ва истифодаи самараноки беҳтарин таҷрибаҳои Туркия дар самти хизматрасонро мавриди баррасӣ қарор доданд.

Дар мулоқот ҳамчунин масъалаҳои мусоидат дар ҷалби сармояи Ҷумҳурии Туркия ба рушди инфрасохтори сайёҳӣ, истифодаи самараноки беҳтарин таҷрибаҳои Туркия оид ба пешбурди соҳаи сайёҳии кишвар мавриди муҳокима қарор гирифтанд.

Дар фарҷоми мулоқот ҷонибҳо бо назардошти рушди соҳаи сайёҳӣ ва таҷрибаи Туркия дар самти хизматрасонии баланд ва зарфияту имкониятҳои фаровони Тоҷикистон фаъол намудани ҳамкориҳои Тоҷикистон бо Туркияро дар бахшҳои сайёҳии солимгардонӣ, таърихӣ, варзишӣ, рафтинг ва корӣ хеле муҳим арзёбӣ намуданд.

Вохӯрӣ дар фазои хуб ва ҳусни тафоҳум баргузор гардид.