![](https://ctd.tj/wp-content/uploads/2023/09/Blue-World-Tourism-Day-Facebook-Post-1-1.png)
Ҳамватанони азиз ва ҳамкорони гиромӣ,
Бо камоли эҳтиром ва самимияти хосса якояки Шуморо бо Рӯзи умумиҷаҳонии сайёҳӣ, ки ҳамасола 27 сентябр дар саросари кишварҳои ҷаҳон таҷлил карда мешавад, табрику муборакбод менамоям.
Имрӯз сайёҳӣ омили муҳими рушди иҷтимоию иқтисодӣ миллӣ буда, воситаи хуби тарбияи ҷавонон дар руҳияи шаҳрвандӣ ва ватандӯстӣ, эҳё ва оммавӣ гардонидани мероси таърихию фарҳангӣ мебошад.
Кишвари азизи мо, Тоҷикистон кишвари дорои табиату кӯҳҳои нотакрор, пиряхҳои абадӣ, дарёҳои заррин, обҳои маъданӣ, шифобахшу ширин, фарҳанги бостониву асил буда, таваҷҷӯҳи мардуми ҷаҳонро ба худ ҷалб мекунад.
Бо шарофати сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тайи солҳои охир дар натиҷаи амалӣ намудани барномаи давлатӣ, хусусан Стратегияи рушди соҳаи сайёҳӣ то соли 2030 дар самти пешравии устувории сиёсати давлат дар соҳаи сайёҳӣ як қатор дастовардҳои назарррас ба даст оварда шуданд, ки дар натиҷа шумораи сайёҳони хориҷӣ ба кишвар афзуда, саҳми соҳаи хизматрасониҳои сайёҳӣ дар маҷмӯи маҳсулоти дохилии кишвар тамоюли афзоишро доранд.
Айни замон симои нави мусбати Тоҷикистон ҳамчун кишвари мусоид барои рушди сайёҳӣ фаъолона ташаккул меёбад. Мо тамоми шароитро дорем, ки кишвари азизамонро ба яке аз мавзеъҳои сайёҳии ҷаҳон табдил диҳем. Боварӣ дорам, ки рушди минбаъдаи сайёҳӣ дар кишвари мо бо суръат давом меёбад.
Дар ин замина, Кумитаи рушди сайёҳии назди Ҳукумати Ҷумҳурии Тоҷикистон бо истифода аз тамоми неру ва ваколатҳои худ баҳри рушди устувори соҳаи сайёҳӣ, тарғибу ташвиқи фарҳанги миллӣ, таъриху тамаддун ва иқтидорҳои сайёҳӣ бо ҳисси баланди ватандӯстӣ ва масъулияти хосса кушиш ба харҷ медиҳад.
Бигузор Рӯзи умумиҷаҳонии сайёҳӣ барои ҳаряк фарди тоҷик ибтидои сайёҳатҳои ҷолиб ва дастовардҳои бузург гардад.
Ба кормандони соҳаи сайёҳӣ ва шахсони бо ин соҳа алоқаманд саломатӣ, рӯзгори хуб ва муваффақиятҳои касбӣ ва ба сайёҳон – иди фархунда орзумандам. Саломату сарбаланд бошед ҳамватанонии азиз