Дар шаҳри Анталияи Туркия мулоқоти муовини Раиси Кумитаи рушди сайёҳии назди Ҳукумати Ҷумҳурии Тоҷикистон Зиёдулло Салимзода бо сардори Раёсати фарҳанг ва сайёҳии Анталия Ҷандемир Зороғлу  багузор гардид. Зимни мулоқот ҷонибҳо рушди ҳамкории дуҷониба дар соҳаи сайёҳӣ, тақвияти тамоси пайвастаи мақомоти соҳаи сайёҳии Тоҷикистон ваТуркия, инчунин роҳандозии мушорикат миёни ширкатҳои сайёҳии тоҷикистонӣ ва туркӣ, гузаштани курси такмили ихтисос ва курсҳои кӯтоҳмуддати мутахассисони соҳаи сайёҳии кишвар дар Туркия ва дигар масоли мавриди тавваҷуҳро таъкид намуданд.

Аз ҷониби муовини Раиси Кумитаи рушди сайёҳии назди Ҳукумати Ҷумҳурии Тоҷикистон Зиёдулло Салимзода ба сардори Раёсати фарҳанг ва сайёҳии Анталия Ҷандемир Зороғлу  маълумоти муфассал оид ба низоми бераводидӣ, имтиёзу дастгириҳо барои сармоягузорони хориҷӣ, тадбирҳо, нақшаву барномаҳои соҳавӣ, ки аз ҷониби Ҳукумати Тоҷикистон бо мақсади рушди соҳаи сайёҳӣ амалӣ шуда истодаанд, ироа гардид. Дар фарҷоми мулоқот омодагӣ баҳри тавсеаи ҳамкорӣ бо мақсади ҷалби бештари мутақобилаи сайёҳон баён карда шуд.

Гуфта шуд ,ки соҳаи сайёҳӣ  барои њарду кишвар яке аз самтҳои афзалиятноки рушди иқтисоди ба шумор рафта,тақвиятдодани  ҳамкорӣ дар дар ин самт барои мустаҳкам намудани заминаи ҳамкориҳои ояндадор  мусоидат фаъол  менамояд. Вохурӣ дар фазои дустона ва ҳусни тафоҳум сурат гирифт.