12 январи соли ҷорӣ мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумъахонзода бо Роҳбари Намояндагии Бонки аврупоии бозсозӣ ва рушд (БАБР) дар Ҷумҳурии Тоҷикистон Холгер Вифел баргузор гардид.
Дар ҷараёни мулоқот ҷонибҳо вазъи кунунӣ ва дурнамои рушди соҳаи сайёҳӣ, инчунин имкониятҳои густариши ҳамкориҳоро дар доираи лоиҳаҳои амалкунанда ва банақшагирифтаи БАБР мавриди баррасӣ қарор доданд.
Ҳамзамон, ба масъалаҳои рушди сайёҳии устувор, такмили инфрасохтори сайёҳӣ, ҷалби сармоягузорӣ ва баланд бардоштани ҷолибияти сайёҳии Тоҷикистон дар арсаи байналмилалӣ таваҷҷуҳи хос зоҳир гардид.
Роҳбари Намояндагии БАБР иброз дошт, ки Бонк ба тақвияти ҳамкорӣ ва дастгирии ташаббусҳое, ки ба рушди бахши хусусӣ ва фароҳам овардани шароити мусоид барои фаъолияти соҳибкорӣ дар соҳаи сайёҳӣ равона шудаанд, таваҷҷуҳ дорад.
Дар анҷоми мулоқот ҷонибҳо омодагии худро ҷиҳати таҳкими шарикии мутақобилан судманд ва идомаи муколамаи созанда дар самти рушди соҳаи сайёҳӣ таъкид намуданд.





