21 августи соли 2025, бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар доираи сафари корӣ ба шаҳру ноҳияҳои Варҷ, Дарвоз, Рушон, Роштқалъа, Шуғнон ва Хоруғи Вилояти Мухтори Кӯҳистони Бадахшон аз 25 то 28 июни соли 2025 баён доштанд, аз ҷониби раиси Кумитаи рушди сайёҳии назди Ҳукумати Ҷумҳурии Тоҷикистн ҳамчун намояндаи Ҳукумати мамлакат дар татбиқи Нақша чорабиниҳои 35-солагии Истиқлолияти давлатии мамлакат ба ноҳияи Ванҷ сафари корӣ анҷом дода шуд.

Дар доираи сафари корӣ раиси Вилояти Мухтори Кӯҳистони Бадахшон Алишер Мирзонабот, Раиси Кумитаи рушди сайёҳӣ муҳтарам Ҷамшед Ҷумъахонзода, Раиси ноҳияи Ванҷ Давлатзода Наҷмиддин ва намояндагони Вазорати нақлиёт аз роҳи мошингузари самти пиряхи Ванҷ–Ях боздид ба амал оварданд.

Зимни боздид масъалаҳои тарҳрезӣ ва таҷдиди купрукҳои мошингузар, ки дар натиҷаи офатҳои табиӣ ва фаромадани селҳо хароб гашта буданд, мавриди баррасӣ ва муҳокима қарор дода шуд.

Қайд кардан ба маврид аст, ки Сарвари давлат ҳамеша барои рушди соҳаи сайёҳӣ ва ҷалби сайёҳон дастгириҳои беназир намуда, соҳаи сайёҳиро ҳамчун воситаи муҳими тақвияти иқтисодиёти кишвар арзёбӣ менамоянд.

Пиряхи Ванҷ Ях яке аз хатсайри маъмул дар миёни дустдорони сайёҳати куҳнавардӣ ба шумор рафта, ҳамасола сайёҳони зиёди аврупоӣ барои фатҳи ин минтақа ташриф меоранд.

Гуфтан ба маврид аст , ки набудани инфрасохтори зарурӣ барои рушди соҳаи сайёии мамлакат, аз ҷумла ноҳияи Ванҷи ВМКБ таъсири манфи мегузорад.