22 июни соли 2025 дар Муассисаи давлатии «Боғи Ирам» яке аз ҷашнҳои ниёгони халқи тоҷик иди Тиргон бо намоиши маҳсулоти кишоварзӣ баргузор гардид, ки аз ҷониби Кумитаи рушди сайёҳӣ гӯшаи сайёҳӣ бо пешниҳоди маводҳои иттилоотиву таблиғотӣ ва инчунин вобаста ба ин ҷашни миллӣ ташкил гардид.

Дар чорабинӣ ҳайати расмӣ аз гӯшаи сайёҳӣ дидан намуда, аз ҷониби шахсони масъули Кумита ба ҳайати расмӣ ва меҳмонону иштирокдорон оид ба имкониятҳои сайёҳии кишвар маълумот пешниҳод карда шуд.

Инчунин дар ин ҷашвора кишоварзони мамлакат аз навъҳои гуногуни зироат манора бо ороиши махсус омода намуда, меваю сабзавот, полезиҳо, аз қабили харбузаву тарбуз ва навъҳои гуногуни зардолуи тару тоза ва хушкмеваҳои дигар низ пешниҳод гардид.

Бояд қайд намуд, ки баргузории анъанаҳо ва идҳои миллӣ, аз ҷумла ҷашнҳои Тиргон, Меҳргон ва Садда бо ташаббусҳои Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон эҳё гардида, ин иқдомҳо барои брендикунонии идҳои миллӣ ва ҷалби сайёҳони хориҷӣ ба кишвар замина мегузорад