Дар шаҳри Чолпон Ата – и Қирғизистон 3 майи соли 2025 Форуми байналмилалии «Сайёҳӣ 2030: Осиёи Марказӣ ҳамчун фазои ягонаи сайёҳӣ» баргузор гардид, ки дар кори он ҳайати сайёҳии кишвар бо роҳбарии Ҷамшед Ҷумъахонзода раиси Кумитаи рушди сайёҳӣ иштирок намуд.

Дар чорабини мазкур раиси Кумита Ҷамшед Ҷумъахонзода баромад намуда, вобаста ба рушд ва имкониятҳои сайёҳии Ҷумҳурии Тоҷикистон ва инчунин рушди ҳамкориҳо дар самти сайёҳӣ бо кишварҳои хориҷ ва минтақа аз ҷумла, Қирғизистон, ки бо сиёсати дарҳои кушоди Ҳукумати Ҷумҳурии Тоҷикистон ва сиёсати хирадмандонаи Пешвои миллат Президенти Ҷумҳурии Тоҷикистон муҳтарам Эмомалӣ Раҳмон баъд аз кушода шудани сарҳадҳо муносибатҳо дар ҳоли рушд қарор доранд, суханронӣ намуд.

Инчунин дар чорабинии мазкур аз ҷониби ҳунармандон ва бахши сайёҳии Ҷумҳурии Қирғизистон ҳунарҳои дастӣ ва имкониятҳои сайёҳии ин кишвар ба намоиш гузошта шуд.

Ҳамзамон дар ҳошияи Форуми болозикр мулоқоти Ҷамшед Ҷумъахонзода бо намояндаи Созмони Умумиҷаҳонии Сайёҳӣ баргузор гардид, ки зимни мулоқот оид ба ҳамкориҳои Ҷумҳурии Тоҷикистон бо ин ниҳоди байналмилалӣ ва баргузории Форуми муштараки сармоягузории умумиҷаҳонии сайёҳӣ, ки бо иштироки дабири кулли Созмони умумиҷаҳонии сайёҳӣ ва намояндагони соҳаи сайёҳии кишварҳои хориҷ дар нимаи аввали соли 2025 дар шаҳри Душанбе ба нақша гирфта шудааст, баррасӣ гардид.