Дар доираи Намоишгоҳи байналмилалии сайёҳии «Tourism on the Silk Road», ки дар шаҳри Тошканд ҷараён дорад, вохӯрии корӣ миёни раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумъахонзода ва раиси Кумитаи давлатии Ҷумҳурии Узбекистон оид ба рушди сайёҳӣ Умед Шадиев баргузор шуд.
Зимни мулоқот ҷонибҳо масъалаҳои густариши ҳамкориҳои дуҷониба дар соҳаи сайёҳӣ, таҳияи маҳсулоти муштараки сайёҳӣ ва ташкили роҳҳои нави рушди сайёҳиро дар минтақа баррасӣ намуданд.
Ҷонибҳо омодагии худро барои тақвияти ҳамкориҳои амалии байниидорӣ ва татбиқи ташаббусҳои муштарак дар самти ҷалби сайёҳон ба Тоҷикистону Узбекистон таъкид карданд.









