Дар шаҳри Хуҷанди вилояти Суғд Форуми II байналмилалии “Суғд-чорроҳаи роҳи бузурги абрешим” бо иштироки Раҷабой Аҳмадзода – раиси вилояти Суғд, Зиёдулло Салимзода -муовини раиси Кумитаи рушди сайёҳӣ, Ланкин Сергей Васильевич Консули генералии Русия дар шаҳри Хуҷанд, Пантелеев Андрей Вадимович – муовини губернатори вилояти Тюмен, Дурнов Вячеслав Викторович – муовини раиси Кумитаи иҷроияи вилояти Витебски Фдеретсаияи Русия, Колесников Дмитрий Виталиевич раиси Шӯрои директорони гурӯҳи Cronwell ва намояндагони кишварҳои хориҷа ва минтақа, коршиносону мутахассисони байналмилалӣ ва роҳбарони ширкатҳои сайёҳии ватанӣ ва хориҷӣ баргузор гардид.

Дар чорабинӣ Салимзода Зиёдулло – муовини раиси Кумитаи рушди сайёҳӣ баромад намуда, иброз гардид, ки Хуҷанд яке аз шаҳрҳои қадимтарин дар Осиёи Миёна ҳамчун маркази тиҷорат, фарҳанг ва илм маҳсуб ёфта аз инҷо «Роҳи бузурги абрешим» мегузашт. Ва инчунин осори боқимондаи шаҳр фарҳанги миллӣ, урфу одат, хӯрокҳо ва нӯшокиҳои миллӣ, таърих ва осори фарҳангиро дар бар гирифта, заминаи асосии рушди сайёҳӣ ба шумор меравад.