23 апрели соли 2024, шаҳри Душанбе

Имрӯз дар маҷлисгоҳи Кумитаи рушди сайёҳӣ бо мақсади муҳокимаи ҳамкориҳои дуҷониба мулоқоти раиси Кумита муҳтарам Камолиддин Муминзод бо мудири раёсати рушди маконҳои сайёҳии ширкати “PKF Hospitality Group” ҷаноби Флориан Ван дер Беллен барпо гардид.

Дар мулоқот атрофи масъалаҳои густариши муносибатҳои дуҷониба дар соҳаи сайёҳӣ, омӯзиши таҷрибаи бойи ширкати мазкур ва ҷалби сармоягузорӣ дар ин самт табодули афкор сурат гирифт.

Қобили зикр аст, ки ширкати сайёҳии “PKF Hospitality Group” яке аз ширкатҳои шинохтаи бозори ҷаҳонии сайёҳӣ ба ҳисоб рафта, дар самти ироаи хадамоти машваратӣ дар тарҳҳои сайёҳӣ ва фароғатӣ бо бахшҳои давлатӣ ва хусусии кишварҳои гуногуни дунё ҳамкорӣ менамояд.

Ширкати мазкур айни ҳол дар самти рушди маконҳои сайёҳӣ (Destination Managment) фаъолият намуда, дар кишварҳои Қафқози Ҷанубӣ – Арманистон, Гурҷистон ва Озарбойҷон баъзе тарҳҳои сайёҳиро татбиқ намуда, таҷрибаи ҳамкорӣ бо кишварҳои пасошӯравиро дорад.

Бо вуҷуди ин ширкати сайёҳии “PKF Hospitality Group” нақша дорад доираи ҳамкориҳои худро тавсеа дода, бо кишварҳои Осиёи Марказӣ робитаҳои мутақобилан мудманд роҳандозӣ намояд.

Дар фарҷоми суҳбат, ҳавасмандии ҷонибҳо ҷиҳати тақвияти ҳамкории минбаъда ба мувофиқа расид.