Ин мукофот аз ҷониби ташкилкунандаи намоишгоҳ — ширкати ITE Group — барои тарҳи ҷолиб, сатҳи баланди муаррифии имкониятҳои сайёҳии Тоҷикистон ва иштироки фаъол дар муаррифии кишвар дар арсаи байналмилалӣ тақдим гардид.

Дар стенди Ҷумҳурии Тоҷикистон имкониятҳои гуногуни сайёҳӣ, мероси фарҳангӣ, табиати нотакрор, инчунин хизматрасониҳои ширкатҳои сайёҳӣ, меҳмонхонаҳо ва осоишгоҳҳои кишвар муаррифӣ карда шуданд. Ҳамзамон, дар доираи намоишгоҳ вохӯриҳои корӣ бо шарикони байналмилалӣ, туроператорҳо ва намояндагони соҳаи сайёҳӣ баргузор гардиданд.

Сазовор гардидан ба чунин ҷоиза боз як қадами муҳим дар самти муаррифии Тоҷикистон ҳамчун самти ҷолиби сайёҳӣ дар бозори байналмилалӣ ба ҳисоб меравад.