Имрӯз, дар боғи фарҳангию фароғатии ба номи Абулқосими Фирдавсии пойтахт иди Меҳргон бо шаҳомати хоса ҷашн гирифта шуд.

Дар баробари дигар вазорату идораҳо ва мақомоти маҳаллӣ гӯшаи сайёҳии Кумитаи рушди сайёҳӣ ташкил гардида, ин ҷашни қадимаи миллӣ ҳамчун бренди миллии сайёҳӣ муаррифӣ гардид.

Меҳргон – ҷашни ом, мисли идҳои таърихии Наврӯз, Сада, Тиргон ва ғайраҳо аз қадимтарин идҳои миллии мардуми ориёинажод аст. Ҷашни Меҳргон иди ҷамъбасти тобистону тирамоҳ, оғози фасли зимистон, ҷашни ҷамъоварии ҳосил, муайян намудани маҳсули яксолаи заҳмати мардум, натиҷаи даврони хушкию офтобӣ ва ҳосилзамкунию ҳосилғундорӣ мебошад.