15 августи соли 2025, дар ноҳияи Дарвози ВМКБ таҳти роҳбарим Муовини Сарвазири Ҷумҳурии Тоҷикистон Дилрабо Мансурӣ ҷаласаи чоруми Гурӯҳи кории ҷумҳуриявӣ дар самти рушди сайёҳӣ, ҳунарҳои мардумӣ ва корҳои ободониву кабудизоркунӣ баргузор гардид.

Дар кори ҷаласа намояндагони мақомоти иҷроияи ҳокимияти давлатӣ, сохторҳои марбута ва аъзои гурӯҳи корӣ иштирок намуданд.

Зимни ҷалса раиси Кумитаи рушли сайёҳӣ Ҷамшед Ҷумъахонзода бо маъруза суханронӣ намуда, натиҷаҳои иҷрои қарори қаблӣ ва нақшаи чорабиниҳои тасдиқгардидаро мавриди баррасӣ қарор доданд.

Ҳамзамон, аз ҷониби роҳбарияти Мақомоти иҷроияи ҳокимияти давдатии ВМКБ ва ноҳияи Дарвоз ҳисоботҳо оид ба рушди инфрасохтори сайёҳӣ, беҳтар намудани сатҳу сифати хизматрасонӣ, рушди ҳунарҳои

мардумӣ, татбиқи лоиҳаҳои кабудизоркунӣ ва ташкили чорабиниҳои фарҳангию сайёҳӣ пешниҳод гардиданд.

Ба вижа натиҷаҳои мусбати баргузории Фестивали байналмилалии “Наврӯз – мероси фарҳангию ҷаҳонгардӣ” ва омодагӣ ба Форуми муштараки сармоягузории ҷаҳонии сайёҳӣ таъкид карда шуданд.

Дар анҷом, масъулин ба иҷрои минбаъдаи нақшаи чорабиниҳо, вусъати корҳои ободонӣ, рушди агросайёҳӣ ва нигоҳубини инфрасохтори сабзу тозаи кишвар супоришҳои мушаххас гирифтанд.

Ҷаласа бо изҳори миннатдорӣ аз дастгирии пайвастаи Ҳукумати Ҷумҳурии Тоҷикистон ба соҳаи сайёҳӣ ҷамъбаст гардид.