КУМАК БА САЙЁҲОН

Шурӯъ аз 21 марти соли 2025 аз ҷониби Кумитаи рушди сайёҳии назди Ҳукумати Ҷумҳурии Тоҷикистон бо мақсади дастгирӣ ва кумак ба сайёҳони хориҷӣ ва ширкатҳои сайёҳӣ, телефони фаврӣ боварӣ (горячая линия) ба роҳ монда шудааст.

Бояд қайд намуд, ки чунин таҷриба дар минтақа бори аввал ба роҳ монда шуда, ин метавонад барои баланд бардоштани имиҷи кишварамон таъсисри мусбӣ расонад.

Дар ин мудат иқдоми мазкур самараи хуб нишон дод, ки дар ҳамкорӣ бо Вазорати корҳои дохилии Ҷумҳурии Тоҷикистон, Прокуратураи нақлиёти Тоҷикистон, Хадамоти гумрук, Қушунҳои сарҳадии Кумитаи давлатии амнияти милӣ, Сарраёсати Консулӣ ва Фурудгоҳи Байналмилалии шаҳри Душанбе ҳангоми муроҷиат аз ҷониби сайёҳони хориҷӣ, ширкатҳои сайёҳӣ ва шаҳрвандон кумакҳои амалӣ ва машваратӣ расонида шуданд, аз ҷумла:

 Ҳангоми мушкилиҳои гумрукӣ дар гузаргоҳи сарҳадии Дӯстӣ ба шаҳрванди Ӯзбекистон;

 Ҳангоми ба мушкили дучор шудани 12 нафар сайёҳони хориҷӣ аз шаҳри Самарқанд тариқи гузаргоҳи Саразами шаҳри Панҷакент;

 Мусоидат ба 40 нафар шаҳрвандони Ҷумҳурии Исломии Эрон барои дарёфти виза, ки тариқи роҳҳои замини ба Ҷумҳурии Тоҷикистон ворид гардиданд;

 Ҳангоми иштибоҳан гирифтани бағоҷ (Багаж)-и шаҳрванди Индонезия аз ҷониби шаҳрванди Ҷумҳурии Мардумии Чин дар Фурудгоҳи байналилалии шаҳри Душанбе;

Ҳамзамон дигар кумакҳои амалӣ ва машваратӣ аз ҷониби масъулони Кумита ва масъулони мақомотҳои болозикр ба муроҷиаткунандагон расонида шуд.