Ҳайати кишвар дар 29-умин Намоишгоҳи байналмилалии сайёҳии “Лето-2025”, ки рӯзҳои 3-4 апрели соли 2025 дар шаҳри Екатеринбурги Федератсияи Россия баргузор мегардад, бо роҳбарии Рустам Холматиён – муовини якуми раиси Кумитаи рушди сайёҳӣ, масъулон аз Донишгоҳи байналмилалии сайёҳӣ ва соҳибкории Тоҷикистон, осоишгоҳҳо ва ширкатҳои сайёҳии ватанӣ бо ташкили гӯшаи сайёҳии Ҷумҳурии Тоҷикистон иштирок намуда, имкониятҳои сайёҳи кишварро муаррифӣ намуданд.

Маврид ба зикр аст, ки Намоишгоҳи байналмилалии сайёҳии мазкур яке аз намоишгоҳҳои бонуфуз дар ҷаҳон ба шумор рафта, ҳамасола дар он 120 намояндагони соҳаи сайёҳӣ аз кишварҳои дуру наздик иштирок варзида, ҷиҳати муаррифии кишвар ғурфаҳои сайёҳӣ худро ба намоиш мегузоранд.

Ҳамзамон дар ҳошияи Намоишгоҳи зикргардида ғурфаҳои сайёҳӣ, вохӯриҳои B2C ва B2B ташкил карда шуда, мавзӯҳо оид ба рушди фаъолияти ширкатҳои сайёҳӣ, зеҳни сунъӣ, масъалаҳои кадрӣ ва рақамикунонӣ дар соҳаи сайёҳӣ баррасӣ карда мешаванд.