Дар 6-умин Намоишгоҳи байналмилалии сайёҳии Урумчӣ, ки рӯзҳои 22-24 марти соли 2025 дар шаҳри Урумчии Ҷумҳурии мардумии Чин баргузор мегардад, аз ҷониби Кумита гӯшаи сайёҳии Ҷумҳурии Тоҷикистон ташкил гардида, имкониятҳои сайёҳии кишвар муарифӣ гардиданд.

Дар намоишгоҳи мазкур ҳайати кишвар бо намояндагии масъулон аз Кумитаи рушди сайёҳӣ, Донишгоҳи байналмиллали сайёҳӣ ва соҳибкории Тоҷикистон, бо мақсади иникоси чорабинӣ “Телевизиони Тоҷикистон”, “Телевизиони Душанбе” ва ширкатҳои сайёҳии ҶДММ “Шоҳ тур”, ҶДММ “Тур ТҶ”, ҶДММ “Масудиён”, ҶДММ “Капител” ва ширкати “Fly.tj” иштирок намуданд.

Намоишгоҳи байналмилалии сайёҳии мазкур яке аз намоишгоҳҳои бонуфуз дар ҷаҳон ба шумор рафта, дар намоишгоҳи қаблии он намояндагони соҳаи сайёҳӣ зиёда аз 20 давлати ҷаҳон иштирок намуданд.

Ҳамзамон дар ҳошияи намоишгоҳи мазкур ғурфаҳои сайёҳӣ, B2C и B2B вохӯриҳо ташкил карда шуда, мавзӯҳо оид ба рушди фаъолияти ширкатҳои сайёҳӣ, зеҳни сунъӣ, масъалаҳои кадрӣ ва рақамикунонӣ дар соҳаи сайёҳӣ баррасӣ карда мешаванд.