17 феврали соли 2025 раиси Кумитаи рушди сайёҳии назди Ҳукумати Ҷумҳурии Тоҷикистон Ҷумъахонзода Ҷамшед директори тозаинтихоби Дафтари намояндагии Бонки Осиёии Рушд дар Тоҷикистон (БОР) ҷаноби Ко Сакамото-ро ба ҳузур пазируфт.

Дар оғози вохурӣ Ҷумъахонзода Ҷамшед ҷаноби Сакамоторо ҷиҳати интихоб гардиданаш ба маснади диретори Дафтари намояндагии БОР дар Тоҷикистон самимона табрик гӯфта, барои дастгириҳои пайваста дар татбиқи босамари сиёсати давлатӣ дар рушди соҳаи сайёҳӣ изҳори сипос намуд.

Дар мулоқот масъалаҳои марбут ба лоиҳаи “Рушди сайёҳӣ”, татбиқи боқимондаи бастаҳои хизматрасонии машваратӣ ва нақшаи амаликунии лоиҳа барои давраи соли 2025-2026 мавриди баррасӣ қарор гирифта, ҷониби БОР омодагии худро барои ҳамкорӣ оид ба бартараф намудани камбудиҳои ҷойдошта ва монеаҳо, ки имрӯз сади рушди соҳаи сайёҳӣ гардидаанд, иброз намуд.

Маврид ба ёдоварист, ки аз соли 2020 инҷониб дар назди Кумита рушди сайёҳии назди Ҳукумати Ҷумҳурии Тоҷикистон лоиҳаи “Рушди сайёҳӣ” амал мекунад, ки аз ҷониби Бонки Осиёии Рушд маблағгузорӣ мегардад.

Ҳадафи аслии лоиҳаи мазкур омода гардидани Нақшаи рушди устувори сайёҳӣ, Низоми ёрирасони омори сайёҳӣ TSA, таҳияи намудани рӯихати лоиҳаҳои сармоягузорӣ, 8 лоиҳаи афзалиятноки сармоягузорӣ дар соҳаи сайёҳӣ ва таҳияи Нақшаи генералии сайёҳии шаҳри Душанбе, минтақаҳои атрофи он ва вилояти Хатлон ва Нақшаи генералии сайёҳии вилояти Суғд мебошад.