Рӯзи 4 феврали соли 2025 дар бинои Кумита мулоқоти муовини якуми раиси Кумита – Холматиён Рустам бо Сафири Боливарии Венесуэла дар Ҷумҳурии Тоҷикистон (бо иқоматгоҳ дар шаҳри Боку) Кристофер Мартинес Берротеран баргузор гардид.

Дар рафти вохӯрӣ муовини якуми раиси Кумита Рустам Холматиён оид ба мавҷудияти имкониятҳои фаровони сайёҳӣ, хусусан сайёҳии экологӣ, солимгардонӣ, кишоварзӣ ва шикор дар Ҷумҳурии Тоҷикистон маълумот дода, сиёсати созанда ва дурбинонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар мавриди ноил гаштан ба дастовардҳои беназири соҳаи сайёҳӣ дар даврони соҳибистиқлолӣ бисёр муҳим арзёбӣ намуд.

Сафири Боливарии Венесуэла Кристофер Мартинес Берротеран иброз намуд, ки Ҷумҳурии Тоҷикистон бо доштани табиати зебо, мероси фарҳангию таърихӣ, таомҳои миллӣ ва меҳмоннавозии хоси тоҷикӣ боиси диққати гардишгарон мегардад.

Ҳамзамон, дар рафти мулоқот вобаста ба рушд ва ба роҳ мондани ҳамкориҳо дар соҳаи сайёҳӣ байни Ҷумҳурии Тоҷикистон ва Ҷумҳурии Боливарии Венесуэла инчунин мусоиидати бахши хусусӣ ҷиҳати иштирок дар чорабиниҳои самти байналмилалие, ки дар кишварҳои ҳамдигар багузор мегарданд ки яке аз омилҳои ҷлби сайёҳон ба ҳисоб меравад ибрози назар гардид.

Мулоқот дар фазои ҳамдигарфаҳмӣ ва ҳусни тафоҳум ба анҷом расид.