24 октябри соли 2024 дар бинои Кумита мулоқоти Раиси Кумита Камолиддин Муминзод бо ҳайати олмонӣ, ки бо роҳбарии Президенти Ассотсиатсияи сайёҳии Олмон Норберт Фибиг ба Ҷумҳурии Тоҷикистон ташриф оварданд баргузор гардид.

Дар оғоз роҳбарияти Кумита оид ба зарфиятҳои сайёҳии кишвар, хусусан сайёҳии экологӣ, солимгардонӣ, кишоварзӣ ва шикор дар Ҷумҳурии Тоҷикистон маълумот дода, ба роҳ мондани ҳамкориҳоро дар самти сайёҳӣ байни ширкатҳои сайёҳии Ҷумҳурии Тоҷикистон ва Ҷумҳуриии Федеративии Олмон ҷиҳати зиёд намудани сайёҳон муҳим арзёбӣ намуд.

Дар рафти мулоқот ҷониби олмонӣ иброз намуд, ки Ҷумҳурии Тоҷикистон бо доштани фарҳанг, таърих, урфу одат, забон, табиат ва хурокҳои миллии худ дар Осиёи Марказӣ фарқкунанда буда, барои сайёҳон боиси диққат ва тавваҷуҳи хос мегардад.

Ҳамзамон, дар доираи вохӯрӣ, ки ширкатҳои ватанӣ низ иштирок доштанд фаъолият ва хизматрасониҳои худро муаррифӣ намуда, барои рушди ҳамкориҳо санади ҳамкорӣ байни ширкатҳои олмонӣ ва ватанӣ ба имзо расонида шуд.

Мулоқот дар фазои ҳамдигарфаҳмӣ ва ҳусни тафоҳум ба анҷом расид.