Рӯзи 8 октябри соли 2024 дар бинои Кумита мулоқоти раиси Кумита – Камолиддин Муминзод бо намояндагии ширкати қатарӣ, Директори дафатри “Шайх Холид ибни Ҳамад ибни Абдулло Оли Сонӣ” Аҳмад Салоҳ Ал-Халақӣ ва Ҳасан Абдулло Ал – Тҳанӣ баргузор гардид.
Дар рафти вохӯрӣ Раиси Кумита оид ба мавҷудияти имкониятҳои фаровони сайёҳӣ, хусусан сайёҳии экологӣ, солимгардонӣ, кишоварзӣ ва шикор дар Ҷумҳурии Тоҷикистон маълумот дода, сиёсати созанда ва дурбинонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар мавриди ноил гаштан ба дастовардҳои беназири соҳаи сайёҳӣ дар даврони соҳибистиқлолӣ бисёр муҳим архёбӣ намуд.
Ҳамзамон, ҷониби қатарӣ иброз намуд, ки Ҷумҳурии Тоҷикистон бо доштани табиати зебо, мероси фарҳангию таърихӣ, таомҳои миллӣ ва меҳмоннавозии хоси тоҷикӣ боиси диққати гардишгарон мегардад.
Инчунин, дар рафти мулоқот ҷиҳати зиёд намудани гардишгарон аз ҳардуҷониб ва бароҳ мондани хастайрҳои мустақими ҳавои байни ҳардукишвар, ки яке аз омилҳои ҷлби сайёҳон ба ҳисоб меравад ибрози назар гардид.
Мулоқот дар фазои ҳамдигарфаҳмӣ ва ҳусни тафоҳум ба анҷом расид.