![](https://ctd.tj/wp-content/uploads/2024/06/449145184_774368984866574_3098248999239018053_n-1024x683.jpg)
24 июни соли 2024 дар толори маҷлисгоҳи Кумитаи рушди сайёҳии назди Ҳукумати Ҷумҳурии Тоҷикистон бо иштироки раиси Кумита Камолиддин Муминзод, роҳбари Ҳаракати ҷамъиятии ваҳдати миллӣ ва эҳёи Тоҷикистон Рудобаи Мукаррам, намояндагони ширкатҳои сайёҳӣ, ВАО ва ҳайати кормандони дастгоҳи марказии Кумита ҳамоиши тантанавӣ бахшида ба Рӯзи Ваҳдати миллӣ зери номи “Нақши Ваҳдати миллӣ дар рушди соҳаи сайёҳии кишвар” баргузор гардид.
Нахуст чорабиниро раиси Кумитаи рушди сайёҳӣ оғоз карда, зикр шуд, ки барқарор намудани сулҳу суботи комил ва ваҳдати пойдори миллӣ, таъмини рушди устувори иқтисодиву иҷтимоӣ, таҳкими худшиносиву худогоҳӣ, болоравии ҳисси ватандӯстиву ватандорӣ дар миёни тамоми табақаҳои ҷомеаи Тоҷикистон ин дастоварди аз ҳама назарраси мардуми шарафманди мо дар даврони соҳибистиқлолӣ аст, ки он маҳз бо шарофати талошу заҳматҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муяссар гардид.
Имрӯз таҷриба ва амалияи сулҳи тоҷикон на танҳо аҳамияти миллӣ, балки арзиши ҷаҳонӣ низ дорад. Зеро он роҳ ва намунаи хуби муттаҳидию созандагӣ дар арсаи байналмилалӣ мебошад. Ин санади муқаддас ва тақдирсоз чун чароғи фурӯзон роҳи рушди давлати соҳибистиқлоли тоҷикон ва мардуми онро барои садсолаҳо мунаввар мекунад.
Сипас роҳбари Ҳаракати ҷамъиятии ваҳдати миллӣ ва эҳёи Тоҷикистон Рудобаи Мукаррам баромад карда қайд намуданд, ки ҳар қадар солҳо моро аз давраи қабули Созишномаи умумии истиқрори сулҳ ва ризоияти миллӣ дур мебаранд, ҳамон қадар аҳамияту зарурати мавҷудияти он зери сиёсати созандаю бунёдкоронаи Пешвои миллат дар таҳкими ҳокимияти конститутсионӣ, пешрафти соҳаҳои гуногуни кишвар, аз ҷумла сайёҳӣ ва устувор гаштани нуфузи Тоҷикистон дар арсаи байналмилалӣ мазмуну моҳияти муҳимтар касб менамояд.
![](https://ctd.tj/wp-content/uploads/2024/06/449142009_774368901533249_8283761588107267237_n-1024x683.jpg)
![](https://ctd.tj/wp-content/uploads/2024/06/449143906_774369258199880_4180335623682271986_n-1024x683.jpg)
![](https://ctd.tj/wp-content/uploads/2024/06/449156939_774369154866557_5478318115954908441_n-1024x683.jpg)
![](https://ctd.tj/wp-content/uploads/2024/06/449177819_774369174866555_1026488909330715902_n-1024x683.jpg)
Таърих борҳо собит намуд, ки маҳз сулҳу дӯстӣ, амнияту субот, сарҷамъиву якдилӣ ва иттиҳоду ҳамфикрии миллат асоси рушди давлат, пешрафти ҷомеа ва некӯаҳволии халқ мебошад, ки хушбахтона халқи шарафманди тоҷик зери роҳбарӣ ва сиёсати созандаи Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин дастовардҳои бузурги сиёсӣ ноил гардид.
Дар идома кормандони Кумитаи рушди сайёҳии назди Ҳукумати Ҷумҳурии Тоҷикистон доир ба мавзӯи ҷамъомад фикру мулоҳизаҳои худро иброз намуда, нақши Ваҳдати миллиро дар таъмини сулҳу субот дар кишвар муҳим арзёбӣ намуданд.
Дар маҷмӯъ чорабинӣ дар фазои руҳияи ватандӯстӣ сурат гирифта, умед аст, ки натиҷаҳои он ҷиҳати баланд бардоштани ҳисси миллӣ ва савияи донишу фарҳанги ватандустии кормандон таъсири мусбии худро мерасонад.
![](https://ctd.tj/wp-content/uploads/2024/06/449101284_774368648199941_7043150351838376326_n-1024x683.jpg)
![](https://ctd.tj/wp-content/uploads/2024/06/449146963_774368911533248_2577436184698313453_n-1024x683.jpg)
![](https://ctd.tj/wp-content/uploads/2024/06/449157573_774368721533267_4222086207398709139_n-1024x683.jpg)
![](https://ctd.tj/wp-content/uploads/2024/06/449159532_774369028199903_4717576146378493002_n-1024x683.jpg)