20 июни соли 2024 дар толори мақомоти иҷроияи ҳокимияти давлатии ноҳияи Ванҷ намояндаи Ҳукумати Ҷумҳурии Тоҷикистон дар ноҳияи Ванҷ, раиси Кумитаи рушди сайёҳии назди Ҳукумати Ҷумҳурии Тоҷикистон – Муминзод Камолиддин бо сокинону фаъолони ноҳияи Ванҷ мулоқот доир намуд.

Намояндаи Ҳукумати Ҷумҳурии Тоҷикистон дар ноҳияи Ванҷ дар баромади худ вобаста рафти иҷрои нақшаи чорабиниҳои мақомоти иҷроияи ҳокимияти давлатии ноҳияи Ванҷ оид ба анҷом додани корҳои ободонию созандагӣ бахшида ба 35 солагии Истиқололияти давлатии Ҷумҳурии Тоҷикистон, масъалаҳои кишту кори такрорӣ, соҳаи маориф, риояи қонунҳои умумимиллӣ, дастгирии оилаҳои камбизоату эҳтиёҷманд, шахсони дорои имконияти маҳдуд ва ятимон, пешгирии ҷавонон аз гаравидан ба ҳизбу ҳаракатҳои терористӣ, экстремистӣ ва ифротгароӣ, даст кашидан аз бегонапарастӣ дар пӯшидани сару либос, масъулияти падару модар дар таълиму тарбияи фарзанд, норасоии кадрҳо ва мақсаднок истифодабарии квотаҳои ҷудошуда дар ноҳия, таъмини деҳқонон бо техника ва таҷҳизотҳои кишоварзӣ ва корҳои ободонӣ дар иншоотҳои бунёдшавандаро қайд намуд.

Инчунин, намояндаи Ҳукумати Ҷумҳурии Тоҷикистон дар ноҳияи Ванҷ таваҷҷуҳи фаъолони ноҳияро оид ба таъмиру таҷдид ва тозаву озода нигоҳ доштани ҳар як манзили истиқоматӣ, кӯча, маҳалла, деҳа ва шаҳраку деҳот, самараноку оқилонаи заминҳо, баланд бардоштани ҳосилнокии зироатҳо дар заминҳои наздиҳавлигӣ ва хоҷагиҳои ёрирасон, захира намудани маводи ғизоӣ барои на камтар аз ду сол дар ҳар як оила ва бунёд намудани анбору сардхонаҳои нигоҳдории маҳсулотҳои кишоварзӣ ҷалб намуд.

Дар анҷоми ҷаласа аз ҷониби Намояндаи Ҳукумати Ҷумҳурии Тоҷикистон дар ноҳияи Ванҷ бахшида ба таҷлили Рӯзи Ваҳдати миллӣ ба роҳбарияти Мақомоти иҷроияи ҳокимияти давлатии ноҳияи Ванҷ, роҳбарони мақомотҳои ҳифзи ҳуқуқи ноҳия, роҳбарони дастгоҳи марказии Мақомоти иҷроияи ҳокимияти давлатии ноҳияи Ванҷ ва ба фаъолони ноҳия ифтихорнома ва сипосномоҳа тақдим карда шуд.

Ёдовар мешавем, ки бо мақсади иҷрои дастуру супоришҳои Ҳукумати Ҷумҳурии Тоҷикистон ва сазовор пешвоз гирифтани ҷашни 35 солагии Истиқлолияти давлатӣ раиси Кумитаи рушди сайёҳӣ – Муминзод Камолиддин ба ноҳияи Ванҷи Вилояти Мухтори Кӯҳистони Бадахшон рӯзи 20 июни соли 2024 сафари корӣ анҷом дод.