
06.06.2024
Имрӯз дар Кумитаи рушди сайёҳӣ мулоқот бо коршиноси Бонки Осиёгии Рушд оид ба масъалаҳои сайёҳӣ ва авиатсия Брендан Соби ва ҳамоҳангсози Барномаи ҳамкориҳои минтақавии иқтисодии Осиёи Марказӣ (CAREC) Нодира Одинаева сурат гирифт.
Дар рафти ҷаласа масоили равобити Ҷумҳурии Тоҷикистон бо кишварҳои Барномаи ҳамкориҳои минтақавии иқтисодии Осиёи Марказӣ (CAREC) дар соҳаи сайёҳӣ мавриди баррасӣ қарор гирифта, имкониятҳои рушди ҳамкориҳо дар соҳаи сайёҳӣ бо кишварҳои минтақа мавриди муҳокима қарор гирифт.
Қайд гардид, ки дар партави сиёсати дарҳои кушоди Ҳукумати мамлакат ва дастуру ҳидоятҳои Пешвои муаззами миллат тули солҳои охир ҳамкориҳо бо ниҳодҳои байналмилалии молиявӣ дар сатҳи муносиб ба роҳ монда шуда, бо мақсади беҳтар гардидани инфрасохтори соҳа ва баланд бардоштани сифати хизматрасониҳои сайёҳӣ самояи хориҷӣ ҷалб карда гардид.
Ҷонибҳо ҷиҳати тақвияти минбаъдаи ҳамкориҳо дар соҳаи сайёҳӣ ва ҳалли масъалаҳои мухталиф дар ин самт изҳори ҳавасмандӣ намуданд.

