Бахшида ба Наврӯзи байналмилалӣ ва дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни Паёмашон ба Маҷлиси Олии Ҷумҳурии Тоҷикистон оид ба ташкили фаъолияти маҳаллу растаҳо ва тазову озода нигоҳ доштани корхонаву муассисаҳо баён доштанд, дар Кумитаи рушди сайёҳии назди Ҳукумати Ҷумҳурии Тоҷикистон бо иштироки роҳбарият ва ҳайати кормандон ҳашари дастаҷамъона баргузор карда шуд.

Дар рафти ҳашар аз ҷониби кормандон гирту атрофи корхона аз партов ва хошокҳо тоза гардонида шуда, шоху навдаҳои хушкшуда ба шакл дароварда шуданд.

Чунин иқдомҳои ободкориву созандагӣ ҳар ҳафта аз ҷониби Кумита роҳандозӣ гардида, барои сазовор пешвоз гирифтани ҷашни Наврӯзи байналмилалӣ ва 35-солагии Истиқлолияти Ҷумҳурии Тоҷикистон идома меёбад.

Ҳамчунин бо мақсади саҳмгузорӣ дар иқдоми пешгирифтаи шаҳрдорӣ вобаста ба шаҳри сабз табдил додани пойтахти азизамон шаҳри Душанбе шинонидани гулу бутаҳо ва дарахтони ороишиву сояафкан дар атрофи Кумита дар назар дошта шудааст.