6 январи соли 2023 дар бинои мақомоти иҷроияи ҳокимияти давлатии ноҳияи Ванҷ ҷаласаи ҷамъбастии натиҷаҳои рушди иҷтимоию иқтисодии ноҳияи Ванҷ дар дувоздаҳ моҳи соли 2023 бо иштироки намояндаи Ҳукумати Ҷумҳурии Тоҷикистон, раиси Кумитаи рушди сайёҳӣ-Камолиддин Муминзод, раиси ноҳияи Ванҷ Мардзода Одинашо ва роҳбарони сохторҳои дахлдори ноҳия баргузор гардид.

Дар ҷаласа ҳисобот вобаста ба натиҷаҳои фаъолияти мақомоти иҷроияи ҳокимияти давлатии ноҳияи Ванҷ дар дувоздаҳ моҳи соли 2023 шунида шуда, сипас ба масъулин ҷиҳати бартараф намудани камбудиву мушкилотҳои ҷойдошта, андешидани тадбирҳои иловагӣ ҷиҳати татбиқи нақшаю барномаҳои давлатӣ, истифодаи самараноки замин ва ҷамъоварии ҳосили маҳсулоти кишоварзӣ, захираи маҳсулоти зарурии озуқаворӣ дар ҳар як оила, вусъати корҳои ободонию созандагӣ бахшида ба ҷашни 35-солагии истиқлолияти давлатӣ дастуру супоришҳои мушаххас дода шуд.

Дар фарҷоми ҷамъомад аз ҷониби масъулин ба ҳамаи соҳаҳо ва сохторҳои марбута барои пешбурди корҳо ва расидан ба ҳадафу мақсадҳои дарпешистода бурдбориҳо таманно карда шуд.