Бо ташаббуси Кумитаи рушди сайёҳии назди Хукумати Ҷумҳурии Тоҷикистон давоми шабонарӯзи 12.12.2023 сол дар бузургтарин билборди Майдони Таймс сквери (англ. Times Square) шаҳри Ню-Йорки ИМА сабти навори таблиғотӣ оид ба имкониятҳои сайёҳиии Ҷумҳурии Тоҷикистон ҳар дақиқаи 9-уми ҳар соат дар зарфи 24 соат намоиш дода мешавад.

Сабти мазкур мурури 15 сониягӣ аз сабти навори касбии таблиғотии ширкати телевизионии БиБиСии (анг. “BBC”) Шоҳигарии Британия мебошад, ки дар арафаи ҷашни солгарли Истиқлолияти давлатии Ҷумҳурии Тоҷикистон  дар доираи татбиқи яке аз лоиҳаҳои соҳавии Кумита омода ва пахш гардида буд.

Бояд тазаккур дод, ки Таймс сквер яке аз ҷозибаҳои сайёҳии серодамтарин дар ҷаҳон аст ва ҳамасола тақрибан 50 миллион меҳмононро ҷалб мекунад. Майдонро “гузаргоҳи ҷаҳон” меноманд, он ҳар рӯз ҳудуди зиёда аз 300 ҳазор пиёдагард ва 115 ҳазор ронандаву мусофиронро аз худ мегузаронад, дар он 170 ҳазор нафар кору фаъолият мекунанд. Таймс сквер рамзи Ню-Йорк ва тамоми Иёлоти Муттаҳидаи Амрико мебошад. Ҳатто дар се соли охир, вақте ки пандемия дар ҷаҳон авҷ гирифт, ҳамарӯза дар Таймс сквер аз 125,000 то 190,000 пиёдагард ба қайд гирифта шуд, ки то ҳол таъсирбахш аст.

Чорабинии мазкур бешак ба таблиғу муаррифии васеътари имкониятҳои сайёҳии кишвари маҳбубамон мусоидат намуда, боиси ҷалби бештари сайёҳони хориҷӣ ба ҷумҳурӣ хоҳад гашт.