Имрӯз дар Донишгоҳи байналмилаии сайёҳӣ ва соҳибкории Тоҷикистон аз ҷониби Кумитаи рушди сайёҳии назди Ҳукумати Ҷумҳурии Тоҷикистон тибқи барномаи курсҳои омӯзишӣ маросими супоридани Сертификатҳо ба иштирокчиёни курси мазкур баргузор карда шуд.

Дар кори чорабинӣ муовини Раиси Кумитаи рушди сайёҳии назди Ҳукумати Ҷумҳурии Тоҷикистон Салимзода Зиёдулло, намояндаи Anatolia Health Tourism Company ва Ассотсиатсияи тарабхонадорони Тоҷикистон иштирок намуданд.

Ёдовар мешавем, ки курси мазкур аз санаи 13 то 18 ноябри соли 2023 дар Донишгоҳи байналмилалии сайёҳӣ ва соҳибкории Тоҷикистон баргузор карда шуда, довталабон баъд аз анҷоми курс бо сертификатҳо сарфароз гардонида шуданд.

Роҳбарияти Кумитаи рушди сайёҳии назди Ҳукумати Ҷумҳурии Тоҷикистон ба Сафорати Ҷумҳурии Тоҷикистон дар Ҷумҳурии Туркия, Ассотсиатсияи тарабхонадорони Тоҷикистон ва Донишгоҳи байналмилалии сайёҳӣ ва соҳибкории Тоҷикистон барои мусоидат дар баргузории курсҳои бозомӯзӣ барои баланд бардоштани сатҳи хизматрасонӣ дар субъектҳои соҳаи сайёҳӣ ташаккур мегуяд.

​Бояд гуфт, ки баргузор намудани чунин курсҳои кӯтоҳмуддат дар рушди соҳаи хизматрасонӣ дар тарабхонаҳо ва баланд бардоштани касбияту малакаи кории кормандони субъектҳои хизматрасонии соҳаи сайёҳӣ саҳми муносиб гузошта, барои ҷалби сайёҳон ба кишвар муосидат хоҳад кард.