Тибқи Барномаи Маҷмаа, рӯзи 18 октябри соли 2023 ҳайати Ҷумҳурии Тоҷикистон дар нишасти 2-юми 25-умин Маҷмааи умумиҷаҳонии Созмони ҷаҳонии сайёҳӣ баргузор гардид, ки дар он ҳайати кишвар фаъолона иштирок намуд.

Дар нишасти мазкур интихоботи Дабири Кули Созмони ҷаҳонии сайёҳӣ Зураб Поликашвили барои солҳои 2026-2029, ки бо ташаббуси Ҷумҳурии Ӯзбекистон пешниҳод гардида буд, тавассути раъйпурсии махфӣ амалӣ гардид, ки дар натиҷа 65 кишвар номзадии Дабири Куллӣ амалкунандаро дастгирӣ намуда, 38 кишвар зид ва 8 кишвар бетарафӣ намуд, 4 кишвари дигар иштирок надошт.

Бо дарназардошти нарасидани 4 овози мусбӣ (тибқи Оинномаи Созмон номзад барои интихоб шудан дар мансаби мазкур бояд аз 3/2 ҳиссаи овозҳоро соҳиб гардад) пешниҳоди Ҷумҳурии Ӯзбекистон барои тамдиди мандати Кули Созмони ҷаҳонии сайёҳӣ Зураб Поликашвили барои солҳои 2026-2029 қабул нагардид.

Зимни баргузории интихобот Тоҷикистон ва Гватемала ҳамчун ҳамчун нозири комиссия оид ба шаффофияти баргузории интихобот интихоб гардиданд, ки аз ҳисоби кишвари азизи мо Раиси Кумитаи рушди сайёҳӣ, Камолиддин Муминзод рафти интихоботро назорат намуданд.