Имрӯз дар Муассисаи давлатии Боғи фарҳангу фароғатии ба номи Абулқосим Фирдавсии пойтахт дар ҳошияи Вохӯрии панҷуми машваратии сарони давлатҳои Осиёи Марказӣ, Ҷаласаи навбатии Шӯрои сарони давлатҳои муассиси Фонди байналмилалии наҷоти Арал аз ҷониби Кумитаи рушди сайёҳӣ назди Ҳукумати Ҷумҳурии Тоҷикистон бо иштироки ширкатҳои сайёҳии ватанӣ ва ҳунармандон намоиши молу маҳсулоти сайёҳӣ, маҳсулоти кишоварзӣ ва ҳунарҳои мардумӣ баргузор гардид. 

Дар доираи намоиш имкониятҳои рушди сайёҳӣ дар кишвар тариқи руқъаҳо, брошюраҳо, ҳунарҳои мардумӣ, армуғонҳо, таомҳои миллӣ, лавозимотҳои сайёҳӣ, маҳсулоти саноатӣ ва ангури “Шоҳона” дар шакли пирамида оро дода шуда, ба меҳмонон ва сокинони кишвар пешкаш карда шуд.

Ҳамзамон аз ҷониби Кумитаи рушди сайёҳии назди Ҳукумати Ҷумҳурии Тоҷикистон барои иштирокчиёни чорабинии байналмилалии зикршуда хатсайрҳои сайёҳӣ омода намудааст, ки тибқи он меҳмонон аз минтақаҳои сайёҳии Норак, Роғун, Ҳисор, Турсунзода ва ноҳияи Варзоб дидан хоҳанд кард.