Тибқи тартиби корӣ дар маҷлиси назоратӣ фаъолияти воҳидҳои сохтории Кумита дар ҳафтаи гузашта, иҷрои босифат ва саривақтии ҳуҷҷатҳои назоратӣ, риояи интизоми меҳнат, ташрифи ҳайати эҷоди шабакаи телевизионии “National Gegraphic” ва иштироки роҳбарияти Кумита дар IX – умин Ярмаркаи байналмилалии савдо “Суғд-2023” ва семинар-машаврати занбуриасалпарварӣ дар деҳаи Гулзори ҷамоати Ҷонбахти ноҳияи Ховалинг мавриди баррасӣ қарор дода шуданд.

Бо мақсади беҳтар намудани фаъолият дар соҳа аз ҷониби раиси Кумита ба роҳбарони воҳидҳои сохторӣ ҷиҳати иҷрои саривақтии супоришҳои Ҳукумати Ҷумҳурии Тоҷикистон, иҷрои нақшаву барномаҳои кории Кумита, иштироки фаъолона дар форумҳои сармоягузорӣ, намоишгоҳҳои байналмилалӣ, татбиқи босамари Лоиҳаи рушди сайёҳӣ, ҳамкории зич бо вазорату идораҳо, мақомоти маҳаллӣ ва ҷонибҳои ҳавасманд барои муаррифии бештару беҳтари иқтидорҳои сайёҳии ҷумҳурӣ дастурҳои мушаххас дода шуд.