Вазири мероси фарҳангӣ, гардишгарӣ ва саноеи дастии Эрон имконоти Тоҷикистонро барои таҳкими ҳамкориҳои тиҷоратӣ ва фарҳангӣ бесобиқа унвон кард.

Вазири мероси фарҳангии Эрон Ризо Солеҳӣ Амирӣ дар ҷараёни сафараш ба Душанбе аз тарҳи густариши равобити ду кишвар дар бахшҳои гардишгарӣ, тиҷорат ва фарҳанг хабар дод.

Ризо Солеҳи Амирӣ дар шарҳи рӯзномаи «Исно» гуфтааст: «Тоҷикистон ба далели муштаракоти фарҳангӣ ва забонӣ яке аз авлавиятҳои стратегии Эрон дар рушди равобит аст.

Солеҳ Амирӣ иброз намуд, ки нақша доранд дар сол теъдоди сайёҳони тоҷикро аз 8 ҳазор ба 100 хазор нафар расонданд.

Ёдовар мешавем, ки Масъуд Пезешкиён, раиси Ҷумҳури Исломии Эрон, рӯзи 15 январ бо даъвати Эмомалӣ Раҳмон, раиси ҷумҳури Тоҷикистон ба шаҳри Душанбе ташриф овард.

Ин нахустин сафари расмии Масъуд Пезешкиён ба Ҷумҳурии Тоҷикистон пас аз расидан ба мақоми раиси ҷумҳур аст.

Тибқи барномаи сафар, пас аз мулоқоту музокироти сатҳи баланд миёни Тоҷикистон ва Эрон чанд санади нави ҳамкорӣ ба имзо расонида шуд.