28 октябр мулоқоти Раиси Кумитаи рушди сайёҳии назди Ҳукумати Ҷумуҳурии Тоҷикистон Камолиддин Муминзод бо Президенти Ассотсиатсияи байналмилалии бокс (IBA) Умар Кремлёв сурат гирифт.

Зимни мулоқот ҷонибҳо вобаста ба масъалаҳои рақамикунонии соҳаи сайёҳӣ тавассути таҳия намудани платформаи ягонаи иқтидорҳои сайёҳи, ки ба платформаҳои сайёҳии Федератсияи Россия пайваст мегардад, таҳия намудани роликҳои таблиғотӣ бо фарогирии намуди сайёҳии куҳнавардӣ, варзишиӣ, экологӣ ва солимгардонӣ, иникоси онҳоро тариқи платформаҳои ҷаҳонӣ ба хусус платформаҳои сайёҳии Федератсияи Россия, таҳия намудани филмҳои ҷолиби ҷалбкунанда ва ҷалби блогерони машҳур ба ҷумҳурӣ ҷиҳати муаррифи намудани иқтидорҳои сайёҳӣ ва инчунин баргузор намудани форуми байналмиалии Тоҷикистону Россия бо фарогири тамоми соҳаҳо аз ҷумла сайёҳӣ дар Федератсияи Россия мавриди муҳокима қарор гирифт.

Инчунин, дар раванди мулоқот масъалаи баланд бардоштани сатҳу сифати хизматрасонӣ дар меҳмонхонаҳо, ки яке аз масъалаҳои муҳим дар рушди соҳаи сайёҳӣ ба ҳисоб меравад ва ҷонибҳо ҷиҳати ҷалби сармоягузорони Федератсияи Россия барои бунёд намудани меҳмонхонаҳои дараҷаи олӣ гуфтушунид намуданд.

Ҷонибҳо аз анҷоми муҳтавои робитаҳо изҳори қаноатмандӣ намуда, инчунин ба ҳамкории минбаъдаи судманд дар рушди соҳаи сайёҳӣ изҳори умед карданд.