Паёми расмии Котиби генералии Созмони умумиҷаҳонии сайёҳӣ Зураб Пололикашвили ба Маҷмааи 25-уми Ассамблеяи Генералии Созмони Милали Муттаҳид дар шаҳри Самарқанд.

Иҷлосияи 25-уми Ассамблеяи Генералии Созмони Милали Муттаҳид дар шаҳри зебоманзари Самарқанд дар як лаҳзаи муҳим барои бахши сайёҳӣ ва ҷомеаи мо ҷараён дорад.

Соҳаи сайёҳӣ бадтарин тӯфонро дар таърихи худ паси сар кард ва мо ҳоло дар роҳи бозгашт ба сатҳи пеш аз пандемия қарор дорем. Бо вуҷуди ин, дар айни замон, мо бояд фавран ба чолишҳои нав, бахусус бӯҳрони афзояндаи иқлим, номуайянии иқтисодӣ ва танишҳои ҷории геополитикӣ вокуниш нишон диҳем.

Мо ҳамчун ташкилоти иҷтимоӣ-иқтисодӣ дар ҷаҳон, ки бо пешбарии муошират байни одамон фаъолият менамоем, бояд як қисми ҳалли мушкилот бошем. Мо метавонем ва бояд вазифаи худро оид ба татбиқи иқтидори сайёҳӣ ҳамчун манбаи рушди устувор, имконият ва фаҳмиш иҷро кунем.

Ин Ассамблеяи Генералӣ ба мо платформаеро пешниҳод мекунад, ки дар атрофи эътиқоди муштарак дар бораи он, ки сайёҳӣ ба одамон ва сайёра чӣ пешниҳод карда метавонад, ҳамкорӣ кунем. Чун ҳамеша, сӯҳбатҳои мо ошкоро ва ҷолиб хоҳанд буд.

Ман бовари дорам, ки тариқи мубодилаи афкор ва ҳамкорӣ роҳҳои ҳалли масъаларо пайдо карда, барои ҷалби сармоя ба соҳаи сайёҳӣ ва таъмини ҷойҳои нави корӣ ва таълим диққати ҷиддӣ зоҳир менамоем.

Ман инчунин умедворам, ки ҳамаи мо аз муҳити худ илҳом мегирем. Самарқанд таърихи бой ва ифтихори Ӯзбекистонро намоиш медиҳад.

Ин шаҳодати кори Ҳукумати Ҷумҳурии Узбекистон оид ба ҳифзи мероси худ ва истифодаи сайеҳӣ ҳамчун воситаи мубодилаи ин мерос бо одамони тамоми ҷаҳон мебошад.

Ман ба мизбонони саховатманди мо барои меҳмоннавозии самимонаашон ташаккур мегӯям ва интизори Ассамблеяи Генералии пурсамар ва илҳомбахш ҳастам.