Пайёми расмии Дабири Кулли Созмони Милали Муттаҳид Антонио Гутерриш ба Маҷмааи 25-уми Ассамблеяи генералии Созмони умумиҷаҳонии сайеҳии СММ дар шаҳри Самарқанд

Ман табрикоти гарми худро ба Ассамблеяи генералии 25-уми созмони ҷаҳонии сайеҳӣ, ки дар Шаҳри зебои Самарқанд ҷамъ омадааст, мерасонам.

Сайёҳӣ пешрафт меорад.

Ҳамчун яке аз бузургтарин бахшҳои иқтисоди ҷаҳонӣ, сайёҳӣ дорои қудрати бузургест барои наздик кардани фарҳангҳо, фароҳам овардани имкониятҳои нав ва мусоидат ба рушди устувор мебошад.

Аммо ба соҳаи сайёҳӣ инчунин мушкилоти глобалии ба ҳам алоқаманд таъсир мерасонанд.

Бӯҳрони иқлим ба бисёр маконҳои сайёҳӣ ва умуман зинда мондани ҷомеаҳо дар саросари ҷаҳон таҳдид мекунад

Бисёре аз кишварҳои рӯ ба тараққӣ, ки ба сайёҳӣ вобастаанд, бо бӯҳрони афзояндаи молиявӣ рӯ ба рӯ мешаванд.

Мо бояд тамоми иқтидорҳои сайёҳиро барои баргаштан ба роҳи расидан ба ҳадафҳои рушди устувор истифода барем.

Ин сармоягузорӣ ба сайёҳии устувор ва фарогирро талаб мекунад – татбиқи роҳҳои сифрии партобҳо; ҳифзи муҳити зист ва гуногунии биологӣ; ташкили ҷойҳои кории арзанда; ва мусоидат ба системаҳои устувори ҳифзи иҷтимоӣ.

Ман медонам, ки мо метавонем ба созмони умумиҷаҳонии сайеҳии СММ такя кунем, то ин бинишро амалӣ созем ва ояндаи беҳтарро барои одамон ва сайёра якҷоя созем.

Ман ба Шумо кори бомуваффақияти Ассамблеяи Генералиро таманно дорам.