Иштироки намояндагони Ҷумҳурии Тоҷикистон дар 44-ум ҷаласаи Кумита оид ба масъалаҳои узвияти шарикӣ (CMAM) ки дар доираи 25 – умин Маҷмааи умумии Созмони умумиҷаҳонии сайёҳӣ (UNWTO), 16 октябри соли 2023 дар шаҳри Самарқанди Ҷумҳурии Ӯзбекистон баргузор гардид.

16 октябри соли 2023 намояндагони кишвар таҳти роҳбарии Раиси Кумитаи рушди сайёҳӣ Камолиддин Муминзод дар 44-ум ҷаласаи Кумита оид ба масъалаҳои узвияти шарикӣ (CMAM) ки дар доираи 25 – умин Маҷмааи умумии Созмони ҷаҳонии сайёҳӣ (UNWTO), 16 октябри соли 2023 дар шаҳри Самарқанди Ҷумҳурии Ӯзбекистон баргузор гардид, ҳамчун аъзои Раёсати Кумита иштирок намуданд.

Кумитаи оид ба масъалаҳои узвияти шарикӣ (CMAM) яке аз 7 Кумитаҳои асосии Созмон ба ҳисоб рафта, дар тамоми масъалаҳои вобаста ба муколама, мубодилаи иттилоот ва андешидани чораҳои минбаъда дар иртибот ба узвияти шарикӣ ( affiliate membership), ки дар он зиёда аз 500 ширкатҳои кишваҳои олам, муассисаҳои таълимӣ ва тадқиқотӣ, созмонҳои ғайридавлатӣ аъзо мебошанд баррасӣ карда мешавад.

Боиси ифтихор ва сарфарозист, ки кишвари азизи мо, ки бо пешниҳоди Раиси Кумита дар ҷаласаи 68 – уми Комиссияи Созмони умумиҷаҳонии сайёҳӣ барои Аврупо, ки таҳти сарпарастии ҳукумати Булғористон аз 31 май то 2 июни соли 2023 дар шаҳри София доир гардид, дар қатори Ҷумҳурии Ӯзбекистон ва Шоҳигарии Испания узви Раёсати Кумита оид ба масъалаҳои узвияти шарикӣ (CMAM) барои солҳои 2023-2027 интихоб гардид.